ప్రభుత్వ జూనియర్ కళాశాల మూవీ రివ్యూ:Prabuthwa Junior Kalashala Review

Prabuthwa Junior Kalashala Movie Review: ప్రభుత్వ జూనియర్ కళాశాల మూవీ రివ్యూ(కొత్త ప్రేమ కథ ఎలా ఉందంటే )

“ప్రభుత్వ జూనియర్ కళాశాల” అనే సినిమా థియేటర్స్ లో జూన్ 21 న విడుదల అయింది  తాజాగా ott లో విడుదల అయింది . ఈ చిత్రం లో  ప్రణవ్ ప్రీతం మరియు షాజ్ఞ శ్రీ వేణున్ హీరో హీరోయిన్లుగా నటించారు. ఇది వాస్తవ సంఘటనల ఆధారంగా రూపొందించిన చిత్రంగా మూవీ యూనిట్ ప్రచారం చేసారు,ఈ చిత్రాన్ని శ్రీనాథ్ పులకురం దర్శకత్వం లో తెరకెక్కించారు. బ్లాక్ ఆంట్ పిక్చర్స్ బ్యానర్‌పై, భువన్ రెడ్డి కొవ్వూరి ఈ చిత్రాన్ని, శ్రీమతి కొవ్వూరి అరుణ సమర్పణలో నిర్మించారు. ఈ సినిమా టీజర్, ట్రైలర్స్‌తో మంచి బజ్ సృష్టించింది మరియు ప్రేక్షకులను ఆతృతతో ఎదురు చూడేలా చేసింది. మరి, ఈ సినిమా ఎలా ఉంది? ఈ రివ్యూలో తెలుసుకుందాం.

కథ:

పుంగనూరు అనే చిన్న పట్టణంలోని ప్రభుత్వ జూనియర్ కళాశాలపై ఈ చిత్ర కథ ఆధారపడి తీయడం జరిగింది . ఈ చిత్రంలో వాసు (ప్రణవ్ ప్రీతం) మరియు కుమారి (షాజ్ఞ శ్రీ వేణున్) అనే ఇద్దరు విద్యార్థులు హీరో, హీరోయిన్లు. వాసు మరియు కుమారి ఇంటర్మీడియట్ మొదటి సంవత్సరం చదువుతుంటారు. కుమారి కాలేజీలో అందమైన అమ్మాయి, అందుకనే కాలేజీలోని సీనియర్స్, క్లాస్‌మేట్స్, మరియు గురువులు కూడా ఆమెపై ప్రత్యేక దృష్టి పెట్టాలని చూస్తుంటారు. వాసు కూడా కుమారిని మొదటి చూపులోనే ఇష్టపడిపోతాడు. ఈ ప్రేమ కథ యధార్థ సంఘటనల ఆధారంగా రూపొందించబడింది.

వాసు, తన స్నేహితులతో కలిసి, కుమారిని ప్రేమించడమే కాకుండా, ఆమెను ప్రేమించమని ఫ్రెండ్స్ ప్రేరేపిస్తారు. ఒకరోజు, వాసు తన స్నేహితుల ప్రోత్సాహంతో, కుమారికి లవ్ ప్రపోస్ చేస్తాడు. మొదట కుమారి అతని అంతా ఇంటరెస్ట్ చూపించకపోయినా, వాసు తన ప్రయత్నాలతో చివరకు కుమారిని ఒప్పించగల్గుతడు .

అయితే, ప్రేమ కథ లో సమస్యలు మొదలవుతాయి. ఇద్దరి మధ్య ప్రేమ పెరిగినకొద్దీ, వివిధ రూపాల్లో అపార్థాలు, సంఘటనలు, మరియు సమస్యలు తలెత్తుతాయి. వాస్తవానికి, ఈ కథలో టీనేజ్ ప్రేమ కేవలం ఆకర్షణ కాదు, అది రెండు మనసుల మధ్య సంఘర్షణ, యువతకు ఎదురయ్యే సమస్యలను, మరియు జీవితంలో కొన్ని కీలకమైన నిర్ణయాలను ఎలా తీసుకోవాలో చెప్పేలా ఉంటుంది. వీరి ప్రేమ కథ చివరకు ఎటు వెళుతుంది? అనేది తెరమీద చూడాలి.

విశ్లేషణ:

“ప్రభుత్వ జూనియర్ కళాశాల” వంటి టీనేజ్ లవ్ స్టోరీలు సాధారణంగానే  ప్రేక్షకులను ఆకర్షిస్తాయి, ముఖ్యంగా యువతను. ఇది వారి వాస్తవ జీవితాలకు దగ్గరగా ఉంటుంది. ఈ సినిమా తెరకెక్కించిన దర్శకుడు శ్రీనాథ్ పులకురం ఈ కథను ఎంచుకొని దానికి సినిమా నైపధ్యం అల్లిన విధానం, ఆయన స్క్రీన్‌ప్లే, మరియు దృశ్యాలు చూపించిన విధానం చాలా బాగుంది. రియల్ ఇన్సిడెంట్స్ ఆధారంగా తీసిన కథను తెరపై చాలా అందంగా చిత్రీకరించారు.

సినిమా ఫస్ట్ హాఫ్ మొత్తం కాలేజీ నేపథ్యంలో సాగిపోతుంది. కాలేజీ వాతావరణం, విద్యార్థుల స్నేహం, ప్రేమ మరియు సరదా సన్నివేశాలతో మొదటి భాగం చాలా సరదాగా ఉంటుంది. ఈ సమయంలో, సినిమా చాలా సహజంగా ఉంది.

కానీ, సెకండ్ హాఫ్‌లో కథ కొంచెం బలహీనపడినట్టుగా అనిపిస్తుంది. అపార్థాలు, ప్రేమ కథలోని సవాళ్ళు, టీనేజ్ ప్రేమకు వచ్చే విరామం, ఆ సమయంలో వారి ఆలోచనలు వంటి సన్నివేశాలు కొద్దిగా నెమ్మదిగా ఉంటాయి. కానీ, క్లైమాక్స్ ఎమోషనల్‌గా ముగుస్తుంది, ఇది ప్రేక్షకులను స్పృహతో మరియు భావోద్వేగంతో నిపుతుంది.

నటీనటుల పనితీరు:

ప్రణవ్ ప్రీతం మరియు షాజ్ఞ శ్రీ వేణున్ లు తమ పాత్రలను బాగా పోషించారు. ప్రణవ్, వాసు పాత్రలో ఒక సహజమైన నటనను ప్రదర్శించాడు, దీనివల్ల ప్రేక్షకులు అతని పాత్రను మరింత సహజంగా పోల్చుకుంటారు. అతను ప్రేక్షకులకు నిజమైన కథను చూస్తున్నట్టు అనిపిస్తుంది.

షాజ్ఞ శ్రీ వేణున్ కూడా తన పాత్రలో చాలా బాగా నటించింది. ఆమె ఒక పక్కింటి అమ్మాయిగా కనిపించి, తన సహజ సౌందర్యంతో ప్రేక్షకులను ఆకట్టుకుంది. ఆమె పాత్రలోని సరదా మరియు అమాయకత్వం రెండు సమపాళ్లలో కనిపిస్తుంది. ఈ ఇద్దరి మధ్య ఉన్న కెమిస్ట్రీ కూడా చాలా బాగుంది, మరియు యూత్ ప్రేక్షకులకు బాగా కనెక్ట్ అవుతుంది.

సాంకేతికత:

దర్శకుడు శ్రీనాథ్ పులకురం తన కథను చాలా సున్నితంగా మరియు క్లియర్‌గా ప్రెజెంట్ చేశాడు. అతను ఎలాంటి హడావుడి లేకుండా, టీనేజ్ ప్రేమ కథను చాలా అందంగా చిత్రీకరించాడు. నిజజీవితంలో జరిగిన ఓ టీనేజ్ లవ్ స్టోరీని ఫుల్ ఎంటర్టైనర్ గా తీర్చిదిద్దడంలో దర్శకుడు సక్సెస్ అయ్యారు.

సినిమాటోగ్రఫీ చాలా అందంగా బాగా ఉంది, అది కథను మరింత జీవం కల్పించింది. రియల్ లొకేషన్స్ ను చాలా అందంగా చూపించారు, ఇది కథకు మరింత సహజత్వాన్ని అందించింది. సినిమాటోగ్రఫీ సినిమా మూడ్‌ని బాగా తీసుకువెళ్ళినది.

సంగీతం కూడా ఈ చిత్రంలో కీలక పాత్ర పోషించింది. సినిమా మూడ్‌ను ప్రేక్షకులకు చేరువ చేయడంలో మరియు భావోద్వేగాలను రేకెత్తించడంలో సంగీతం బాగా సహాయపడింది. నేపథ్య సంగీతం కూడా ప్రేక్షుకలకు మంచి అనుభూతిని కలిగించడంలో విజయవంతం అయింది అని చెప్పటంలో ఎలాంటి సందేహం లేదు.

మొత్తంగా Prabuthwa Junior Kalashala movie ఎలా ఉందంటే :

“ప్రభుత్వ జూనియర్ కళాశాల” ఒక సాధారణ టీనేజ్ లవ్ స్టోరీ లాగా అనిపించినా, నిజజీవిత సంఘటనల ఆధారంగా రూపొందించడం వలన కథకు బలం ఉంది. ఇది ప్రేక్షకులకు ఒక తాజా అనుభూతిని కలిగిస్తుంది. ఈ చిత్రం యువతకు బాగా కనెక్ట్ అవుతుంది, ముఖ్యంగా వాళ్ళ టీనేజ్ వయస్సులో వారు ఎదుర్కొన్న అనుభవాలను ప్రగుర్తుకు తెస్తుంది.

ఈ సినిమా, కొత్తగా వచ్చిన కథలలో ఒకటిగా ఉంటే, కొన్ని సన్నివేశాలు కొంత సాగదీతగా అనిపించినప్పటికీ, చివరికి ఎమోషనల్ గా ముగుస్తుంది. ఈ కథ ప్రేక్షకులను కట్టిపడేసేలా చేస్తుంది, మరియు వారి హృదయాలను హతుకునేలా ఉంటుంది.

సాధారణంగా టీనేజ్ లవ్ స్టోరీస్ లో ఉండే అంశాలను ఈ సినిమాలో కూడా చాలా అందంగా చూపించారు, కానీ, ఒక కొత్త కథను ఆశించేవారికి ఇది కొంత నిరాశ కలిగించవచ్చు. మొత్తంగా, “ప్రభుత్వ జూనియర్ కళాశాల” యూత్‌కి మరియు టీనేజ్ ప్రేమ కథలకు ఆసక్తి ఉన్నవారికి మంచి అహ్లధకరమైన సినిమాగా చెప్పవచు.

ఈ సినిమా దర్శకుడి ప్రతిభను, నటీనటుల సహజ నటనను మరియు సాంకేతిక నిపుణుల సమర్థతను చూపిస్తుంది. ఒకసారి ఖచితంగా చూడదగ్గ సినిమా అని చెప్పుకోవచ్చు.

 

Also Read:

విరాజి మూవీ సమీక్ష: అప్పుడే ఓటీటీలోకి వరుణ్ సందేశ్ సస్పెన్స్ థ్రిల్లర్ మూవీ

మ‌హిషాసురుడు సమీక్ష(రివ్యూ)