Grrr review: గర్‌ర్‌ర్ మూవీ రివ్యూ

GRRR movie review:

మూవీ: గర్‌ర్‌ర్
నటీనటులు: సూరజ్ వెంజరమూడు, కుంచాకో బోబన్, శృతి రామచంద్రన్, అనఘ, రాజేష్ మాధవన్, మంజు పిళ్ళై
మ్యూజిక్: కాళిదాస్ మీనన్, టోనీ టార్జ్
సినిమాటోగ్రఫీ: జమేశ్ నాయర్
ఎడిటింగ్: వివేక్ హర్షన్
నిర్మాతలు: షాజీ నటేసన్, ఆర్య
దర్శకత్వం: జై కే
ఓటీటీ: డిస్నీ ప్లస్ హాట్ స్టార్

కథ:

కేరళలోని తిరువనంతపురంలో రెజిమన్ నాడర్ (కుంచాకో బోబన్) తన ప్రేయసి రచన (అనఘ) కోసం ఎదురుచూస్తున్న క్రమంలో కథ ప్రారంభమవుతుంది. రచన నాన్న రాజకీయాల్లో ఉన్న ప్రముఖ వ్యక్తి, అందువల్ల అతనికి తన కూతురు ప్రేమ వ్యవహారంపై అనుమానం కలుగుతుంది. పెళ్లి గురించి ముందుగానే రెజిమోన్ కు చెప్పినా, ఆ రోజు ఫోన్ స్విచ్చాఫ్‌లో ఉండటం వల్ల, రెజిమోన్ నిరాశతో తాగి తన ఫ్రెండ్‌తో కారులో వెళ్తాడు. జూ వద్ద ఆగి, రెజిమోన్ సింహపు గుహలోకి ప్రవేశిస్తాడు. అక్కడ డ్యూటీ చేస్తున్న హరిదాస్ నాయర్ (సూరజ్ వెంజరమూడు) అతడిని కాపాడడానికి వస్తాడు. కథలో సింహం ప్రవేశం అనంతరం మిగతా కథ చుట్టుకుంటుంది.

విశ్లేషణ:

‘గర్‌ర్‌ర్’ అనేది ఒక పాయింట్ చుట్టూ అల్లుకున్న కథ, కానీ ఆ పాయింట్ ప్రేక్షకులకు ఎంతమాత్రం కనెక్ట్ కాలేదు. కథ మొదటి 30 నిమిషాల వరకు నెమ్మదిగా సాగుతుండగా, సింహం ప్రవేశం తరువాతే కథలో వేగం పెరుగుతుంది. దర్శకుడు జై కే ఈ కథలో సీరియస్ అంశాలను కామెడీగా చూపించాలని ప్రయత్నించినా, ఆ ప్రయత్నం ఫలితం లేకపోయింది. ప్రేమకథను కూడా సరైన రీతిలో చెప్పలేకపోయారు, ఫ్యామిలీ ఎమోషన్లు సింపుల్‌గా చూపించారు. తెలుగు డబ్బింగ్ కూడా కథలోని ప్రధాన పాత్రలకు అంతగా అనుకూలంగా లేదు.

సింహం ఉన్న సన్నివేశాలు సహజంగా చూపించబడినప్పటికీ, అర్థం లేని కామెడీ సినిమాకు పెద్ద మైనస్‌గా నిలిచింది. కథ రెండు గంటల నిడివి మాత్రమే ఉన్నా, ఎప్పుడెప్పుడు పూర్తవుతుందా అన్న భావన కలిగిస్తుంది. రాజకీయ ప్రేమకథలు ఇప్పటికే చాలా వచ్చాయి, కానీ ఈ చిత్రం ప్రేక్షకులను ఆకట్టుకోవడంలో విఫలమైంది. ‘ముంజమ్ముల్ బాయ్స్’ సినిమాను ప్రేరణగా తీసుకున్నా, తగినంత ఇంపాక్ట్ చేయలేకపోయారు. అడల్ట్ సీన్లు లేకుండా, అశ్లీల పదజాలం లేకుండా సినిమా నడుస్తుంది. సినిమాటోగ్రఫీ, ఎడిటింగ్ బాగానే ఉన్నప్పటికీ, సంగీతం పర్వాలేదనిపించింది.

నటీనటుల పనితీరు:

కుంచాకో బోబన్, సూరజ్ వెంజరమూడు, శృతి రామచంద్రన్, అనఘ తమ పాత్రలను బాగా నెరవేర్చారు. మిగతా నటులు కూడా తమ పాత్రలను సరైన రీతిలో పోషించారు.

GRRR movie ముగింపు:

మొత్తానికి, కథలో ఉన్న పాయింట్ బాగానే ఉన్నా, ప్రెజెంటేషన్ బోరింగ్‌గా మారడం వల్ల, ఈ సినిమాను ఒకసారి మాత్రమే చూడదగినదిగా మారుస్తుంది.

OTT Platform:

Disney  plus HotStar లో చూడటానికి అందుబాటులో  ఉంది .

వెబ్ సిరీస్ చూడటానికి ఇక్కడ క్లిక్ చేయండి

రేటింగ్: 2/5

Also Read:

మ‌హిషాసురుడు సమీక్ష(రివ్యూ)